Excursión a Xuvenlugo o vindeiro 29 de decembro
O prazo para apuntarse permanecerá aberto ata o próximo día 22.
Grazas ao Concello de Ordes a rapazada volverá ter un ano máis a posibilidade de desfrutar dunha tarde de diversión en Xuvenlugo. Trátase dunha das maiores feiras de ocio infantil organizadas en terras galegas, emprazada no Pazo de Feiras e Congresos de Lugo durante as festas de Nadal. Concretamente será o 29 de decembro, con saída programada para as 15 horas e regreso ás 22 h. O prezo da actividade é de 7 euros. Dado que o número de prazas é limitado, estas van ser asignadas por orde de inscrición, tendo preferencia as persoas empadroadas en Ordes. É importante ter en conta que os/as menores que acudan deberán ir acompañadas dunha persoa adulta.
O prazo de inscrición arranca hoxe e finalizará o 22 de decembro no mesmo Concello. Xogos, obradoiros, atraccións, muro de escalada, touro mecánico, inchables, pista de slot ou minigolf son algunhas das actividades previstas para nenos/as e público xuvenil. O espazo conta tamén con inchables de gran formato e ludoteca.
