Punto Limpo

Os puntos limpos son instalacións cun equipamento axeitado para a recepción, separación selectiva e almacenamento temporal de residuos de orixe doméstica de especiais características.

O obxectivo fundamental destas instalacións consiste en poñer a disposición dos cidadáns un espazo para a achega voluntaria de residuos que non poden ser xestionados polos servizos convencionais da recollida de lixo, polo seu tamaño (residuos voluminosos) ou a súa composición (residuos perigosos).

No punto limpo sepáranse os distintos residuos segundo a súa tipoloxía, facilitando o seu tratamento e valorización posterior. Así, evítase que o seu destino final sexan os vertedoiros, a rede de sumidoiros pública ou calquera outro punto de vertido incontrolado, favorecendo a protección e mellora do medio ambiente.

Residuos aceptados no punto limpo

Residuos non perigosos

• Plásticos domiciliarios ou asimilables, excluidos os envases
• Plásticos agrícolas
• Envases lixeiros (bolsa amarela)
• Poliestireno expandido (Porexpán)
• Papel e cartón
• Envases de vidro
• Madeiras de residuos domiciliarios
• Restos metálicos do fogar
• Entullos de obras menores
• Pneumáticos fóra de uso
• Voluminosos (sofás)
• Voluminosos (outros mobles)
• Restos de poda, segas e vexetais

Residuos perigosos

• Aceites vexetais e graxas comestibles
• Aceites minerais (motor) e outros aceites e graxas non comestibles
• Filtros de aceite
• Disolventes, pinturas, vernices
• Envases de Residuos Perigosos
• Aerosois e envases metálicos con matriz porosa sólida perigosa
• Baterías automóbiles
• Pilas e outros acumuladores
• Radiografías
• Tóner e cartuchos de impresoras

RAEE,s

• Electrodomésticos con CFC
• Electrodomésticos sen CFC
• Equipos de informática e telecomunicacións (monitores, TV)
• Pequenos electrodomésticos, ferramentas, xoguetes electrónicos
• Fluorescentes

O tempo que un residuo pode permanecer almacenado nun punto limpo non poderá exceder os seis meses, tratándose de residuos perigosos, ou os dous anos no caso dos residuos destinados á valorización.

Residuos non aceptados no punto limpo

Non poden depositarse nun punto limpo os seguintes tipos de residuos:

• Materia orgánica. Usualmente a súa recollida selectiva faise a través dos contedores urbanos instalados nas rúas.
• Residuos mesturados. Non se aceptarán no punto limpo aqueles residuos que veñan mesturados, xa que nestas instalacións os residuos son clasificados por categorías.
• Residuos industriais. As grandes e medianas empresas teñen que establecer un sistema propio de xestión para os residuos que producen.
• Residuos radiactivos.
• Materiais explosivos.
• Residuos sanitarios.