Máis de 265 inscritos na VII San Silvestre de Ordes

O prazo para poder participar na carreira rematará este domingo. A proba terá lugar o martes 31 ás 12 horas, cun percorrido de case 4 km.

A escasos catro días de que remate o prazo para poder apuntarse na VII Carreira San Silvestre organizada polo Concello de Ordes xa se contabilizan máis de 265 atletas inscritos. A participación é de balde sendo imprescindible para poder facelo apuntarse ata o domingo na páxina https://www.carreirasgalegas.com.

A VII Carrreira San Silvestre de Ordes terá lugar o vindeiro martes 31 de decembro a partir das 12 horas. A saída será dende a rúa Entreparques (detrás do Concello) cun percorrido de 3,9 km. Ao tratarse dunha proba que non ten carácter competitivo non é preciso estar federado. Os dorsais entregaranse o mesmo día da carreira ata media hora antes do seu inicio.

Novamente, o departamento de Deportes do Concello de Ordes conta coa colaboración da Federación Galega de Atletismo para levar a cabo esta edición da San Silvestre. Dende a organización animan a acudir con elementos ou indumentaria de Nadal.