Apertura do programa "Xuntos polo Nadal"

O programa permite ás persoas maiores desfrutar das celebracións do Nadal en compañía, nas residencias do Carballiño e Nigrán

O Departamento de Servizos Sociais do Concello de Ordes pon en coñecemento das persoas maiores que xa está aberto o prazo para participar no programa ‘Xuntos polo Nadal’. 

     A estancia terá lugar entre o 23 de decembro e o 7 de xaneiro. En total ofértanse 240 prazas, das cales 120 correspóndenlle á Residencia de Tempo Libre do Carballiño para as persoas solicitantes das provincias de Ourense e A Coruña, e as 120 restantes á residencia de Panxón (Nigrán) para as de Lugo e Pontevedra. Entre os requisitos esixidos figuran estar empadroados nalgún dos concellos galegos e vivir no seu domicilio, estar só nas datas do Nadal, non estar acollido nun centro residencial e valerse por si mesmo ou ter de 60 anos.

     O prazo de presentación das solicitudes estará aberto ata o 17 de novembro. Aquelas persoas con menores recursos económicos (ingresos mensuais inferiores  537,54€) poderán optar a prazas gratuítas, mentres que para as demais terá un custo de 50 €.

     Para acadar máis información pódese chamar ao Departamento de Servizos Sociais da Mancomunidade de Ordes (981680002). Tamén a través da páxina web da Consellería de Política Social http://politicasocial.xunta.gal/web/portal/portada-de- maiores, ou chamando aos teléfono 981 547437 e 900333666 (este último é gratuíto).