Remata a V Feira de Oportunidades de Ordes

Ao longo dos dous últimos días o primeiro andar da Praza de Abastos de Ordes encheuse de público con ganas de mercar produtos de calidade ao mellor prezo. A quinta Feira de Oportunidades ofreceu ofertas irresistibles en roupa, calzado, decoración, deporte, bixutería etc. En total participaron un total de 13 establecementos comerciais, concretamente: Daine y Aine complementos, Carma Zapatería, Chic, Me Caigo Muerta, Mercería Arco Iris, Dress, Viodinitys, Peteriro Decoración, Mis Personajes; Juan Carlos Varela Candal moda infantil, Sportec, Aromas e Muxa. Para facilitarlles as compras a moitas persoas o Concello de Ordes, organizador do evento, habilitou un servizo gratuíto de ludoteca para os máis pequenos e pequenas.