O IX Trofeo Concello de Ordes disputarase en agosto

Na tarde do sábado 22 mediranse en Vista Alegre as aliñacións da S.D.C. Órdenes, da S.D. Vila de Ordes e da S.D. Santa Cruz de Montaos 

O sábado 22 de agosto é a data escollida para disputar o IX Trofeo Concello de Ordes 2026. Trátase dunha das competicións estivais máis agardadas polos afeccionados/as ao fútbol no municipio, que reunirá a tres dos seus equipos máis representativos. Trátase do S.D.C. Órdenes, do S.D. Santa Cruz Montaos e da A.D. Vila de Ordes.

Unha vez máis o escenario elixido para o triangular será o campo de herba natural do Complexo Deportivo de Vista Alegre. Os tres encontros, cunha duración de 45 minutos cada un (descanso 15 minutos), desenvolveranse dende as 17 ata as 19 horas.