Excursión ao parque multiaventuras Galipark

Será o 6 de abril e está pensada para nenos e nenas a partir dos 8 anos. 

Dende o departamento de Educación está organizada unha saída ao parque multiaventura Galipark (Padrón) o próximo 6 de abril. Especialmente pensada para nenos e nenas a partir dos 8 anos, a saída será ás 9 horas e a chegada está prevista arredor das 15 horas, en ambos os casos dende a rúa Entreparques. 

As persoas interesadas terán de prazo ata o próximo venres, 27 de marzo, para poder inscribirse. Poden chamar ao teléfono 981 680 002 (ext 3). Ao ser limitadas o número de prazas, estas outorgaranse por rigorosa orde de inscrición, tendo preferencia as persoas empadroadas. O prezo da actividade será de 10 euros. Circuítos de altura, lasertags, tiro con arco ou tirolesas  forman parte das actividades previstas para ese día. Recoméndase levar merenda.