Curso de defensa persoal feminina en Ordes

Impartirase na xornada do 13 de decembro. A inscrición xa está aberta

En colaboración co Concello de Ordes e a Mancomunidade de Municipios da Comarca de Ordes, e organizado pola Consellería de Política Social e Igualdade, convócase un novo curso de defensa persoal feminina. Vaise impartir o sábado 13 de decembro no ximnasio Campomaior, na vila de Ordes, de 9.30 a 14 e de 15 a 18.30 horas. 
As mulleres interesadas en participar nesta actividade xa se poden inscribir a día de hoxe nas oficinas do CIM, sitas na Avda. Alfonso Senra, 106, 2ºA (Ordes). Tamén chamando ao teléfono 981 681 108 ou no enderezo electrónico cim@mancomunidadeordes.gal.