O Concello de Ordes abre un período de propostas para premiar aos seus mellores deportistas
A V Gala do Deporte celebrarase o vindeiro 19 de decembro
O Concello de Ordes anuncia para o 19 de decembro a celebración da V Gala do Deporte. Co fin de brindarlle a toda a veciñanza a posibilidade de participar neste recoñecemento público aos nomes propios e entidades deportivas máis destacados, ata o 10 de novembro vai estar aberto un formulario para propoñer candidaturas. Poderase acceder a el a través das redes sociais municipais.
Previa á xuntanza da comisión avaliadora, calquera persoa poderá propoñer un máximo de tres candidatos, expoñendo tamén os seus méritos e logros, para as seguintes categorías: mellor deportista masculino e feminino (+18 anos), mellor deportista base masculino e feminino (-18 anos), mellores deportistas da vila de Ordes, mellor equipo, mellor adestrador/a e premio excelencia deportiva Iván Raña Fuentes.