Presentación de Preescolar na Casa

Terá lugar este xoves no centro sociocultural Isabel Zendal. A asociación Antonio Godoy desenvolverá un ano máis esta actividade

A asociación socio-educativa Antonio Godoy vai levar a cabo este próximo xoves, 25 de setembro, a presentación do seu programa de Encontro de Familias con crianzas de 0 a 3 anos, coñecido popularmente como Preescolar na Casa. Terá lugar no centro sociocomunitario Isabel Zendal ás 17 horas. Unha iniciativa que se desenvolverá de xeito semanal e coa que se incidirá na formación, no intercambio de experiencias e no lecer compartido entre os/as menores. 

Máis información chamando ao teléfono 686 446 838 ou no enderezo electrónico antoniogandoyeducación@gmail.com.

Un curso máis o Concello de Ordes colabora na posta en marcha desta actividade.