Torneo Fin de Curso de xadrez en Ordes

Organizado polo Club Xadrez Ordes, terá lugar o 18 de xuño na praza Veracruz. A convocatoria está aberta para calquera veciño ou veciña 

O Club Xadrez Ordes convida a todas as persoas que así o queiran a participar no seu Torneo Fin de Curso. A cita está posta para o 18 de xuño ás 17 horas na praza de Veracruz, a carón do Centro Sociocultural Isabel Zendal.

Para poder disputar algunha partida é necesario inscribirse previamente a través do enderezo electrónico xadrezordes@gmail.com ou ben chamar ao teléfono 620 082 859.