Novas datas para os trámites co DNI e o pasaporte
Por primeira o vehículo integral de documentación da Policía Nacional realizará os trámites en Ordes. Quedará estacionado nas inmediacións da Casa da Cultura o 5, 6 e 7 de maio e xa se pode reservar quenda.
Aqueles veciños e veciñas que teñan que renovar ou solicitar o seu DNI ou pasaporte poderán facelo sen necesidade de trasladarse fóra de Ordes durante os días 5, 6 e 7 de maio.
Por primeira vez o vehículo integral de documentación da Policía Nacioanal (VIDOC) prestará estes servizos na vila, situándose a carón da Casa da Cultura, na rúa Galicia. O horario de atención ao público irá de 9 a 13 horas. Recoméndase reservar quenda no mesmo Concello, ou ben telefonicamente chamando ao 981 680 002.
Xa a partir de xuño o VIDOC desprazarase ata Ordes o primeiro e terceiro luns de cada mes, agás os días festivos e os meses de xullo e agosto. O pago polos ditos trámites haberá que efectualo no mesmo momento e en efectivo, sendo de 12 euros para o DNI e 30 euros o pasaporte (imprescindible DNI en vigor e ir acompañado do pai, nai ou titor se se é menor de idade). Tamén é necesario achegar unha foto recente. Os novos documentos serán entregados no acto.