Máis de 80 nenos e nenas participan no VIII Trofeo Concello de Ordes de Patinaxe Artística
O pavillón Castelao I acolleu esta fin de semana o VIII Trofeo Concello de Ordes de Patinaxe Artística. O público que ata alí se achegou o sábado encheu as bancadas para poder ver a actuación dos máis de 80 nenos e nenas dos clubs Gaia, Fontiñas, Torre de Altamira e Conxuro. Unha vez finalizada a competición todas e todos volveron saltar á pista para recibir da man de Ana Soneira, concelleira de Deportes, a súa medalla e os seus respectivos diplomas.
Tanto o Concello de Ordes como a Xunta de Galicia e a Deputación da Coruña participaron nesta cita deportiva.
