A andaina Ordes contra o Cancro recada máis de 2.000 euros

Máis de 2.000 euros se recadaron coa andaina solidaria Ordes Contra o Cancro que tivo lugar este pasado domingo. Unha cantidade obtida a través das inscricións, doazóns e tamén coa venda de camisetas. No evento, organizado pola Asociación Española Contra o Cancro de Ordes e o Concello de Ordes, superouse a cifra de 200 persoas. Esa mañá cada unha delas fixo o percorrido que, partindo do Campo da Feira, chegou aos lugares de Penelas e Vilaverde pasando polo paseo fluvial Ramiro Recouso Liste. 

Macoga, Vegalsa Eroski e Solán de Cabras patrocinaron este evento.