A diversión volverá ao Campo da Feira co I Festival Move Ordes

Charangas, gaiteiros, maxia, Dj’s e El Combo Dominicano forman parte do programa festivo que terá lugar o 28 deste mes.

O vindeiro 28 de maio a vila de Ordes, e máis concretamente a zona do Campo da Feira, volverá ser punto de visita obrigado para os máis festeiros e festeiras debido ao I Festival Move Ordes. 

Xa dende a hora do vermú, e ao longo desa tarde, o tramo peonil da rúa do Muíño acollerá as actuacións de Embruxo Gaiteiros, charanga O Santiaguiño, Os Piñeiros, ademais de sesións con Dj’s. A cativada tamén terá o seu momento coa actuación do ilusionista xalleiro na explanada situada a carón do edificio Isabel Zendal. O prato forte chegará a partir das 23 horas con El Combo Dominicano. Tamén haberá atraccións de feira e polbeira.

Organizado polo Concello de Ordes, o I Festival Move Ordes está organizado polo Concello de Ordes en colaboración con Movida Ordes, Estrella Galicia e Petroni.