Este venres regresan as Tardes de contos e lendas  á biblioteca municipal de Ordes

A biblioteca municipal de Ordes inaugura este próximo venres a nova tempada das súas Tardes de contos e lendas. Unha actividade especialmente pensada para nenos e nenas entre os 4 e os 6 anos de idade, que os achegará á lectura de xeito lúdico. Nesta ocasión Pakolas e Laura Romero ofrecerán a partir das 18.30 horas o espectáculo Ti debuxas, eu canto con Ramona Órbita. Para poder asistir será imprescindible inscribirse previamente chamando á biblioteca en horario de mañá. O número máximo de persoas que poderán asistir é de 15. 

Tardes de contos e lendas é unha actividade englobada dentro do programa Ler conta moito, que se desenvolverá durante o último venres de mes.