OBRIGATORIEDADE DE EMPREGO DE MEDIOS ELECTRÓNICOS PARA RELACIONARSE CO CONCELLO DE ORDES
O art. 14.2 da Lei 39/2015, do 1 de outubro, do procedemento administrativo común das administracións públicas (LPACAP) establece para determinados colectivos a obrigatoriedade de relacionarse a través de medios electrónicos co Concello de Ordes.
Isto implica:
- Presentar todos os documentos que estes colectivos dirixan ao Concello de Ordes a través do rexistro telemático existente na sede electrónica municipal (https://sede.ordes.gal/opencms/gl/sobrelasede/registro_telematico/), ou a través dos rexistros electrónicos dos suxeitos que comprende o sector público (art. 2.1 LPACAP).
- Recibir todas as notificacións por vía exclusivamente electrónica.
Isto aplica a:
- Persoas xurídicas.
- Entidades sen personalidade xurídica.
- Profesionais colexiados/as.
- Persoas que representen a algunha das anteriormente indicadas.
Dende o 1 de xaneiro de 2021 non se admitirá a presentación presencial en papel de documentos por parte destes colectivos na oficina de rexistro do Concello de Ordes.
Para poder realizar a presentación telemática de escritos, solicitudes ou comunicacións, é necesario identificarse a través do sistema cl@ve, podendo rexistrarse no seguinte enderezo: https://clave.gob.es/clave_Home/registro.html.
Poderán coñecer como funciona o sistema cl@ve no seguinte enderezo: https://clave.gob.es/clave_Home/clave/queEs.html
Dende o 1 de xaneiro de 2021 o Concello de Ordes practicará todas as notificacións a estes colectivos de forma exclusivamente electrónica a través do Sistema de Notificación Electrónica de Galicia (Notifica.gal) ao que poderá accederse no seguinte enderezo: https://notifica.xunta.gal/notificaciones/portal/login.
Para utilizar estes colectivos os servizos de Notifica.gal deberán dispoñer dun usuario e clave no servizo Chave365 ou dun certificado de persoa física ou xurídica asociado ao NIF da persoa destinataria desta, podéndose autorizar a outra persoa a acceder ao contido das súas notificacións.
Por este motivo, no caso de que aínda non o teñan feito, estes colectivos deberán completar a súa alta no sistema Notifica.gal indicando un enderezo de correo electrónico e/ou un teléfono móbil. Estes datos utilizaranse para enviarlle avisos de posta a disposición das próximas notificacións que se lle efectúen.
De acordo co establecido no artigo 43.2 LPACAP, as notificacións entenderanse practicadas no momento en que se produza o acceso ao seu contido. Así mesmo, entenderanse rexeitadas cando transcorran dez días naturais desde a posta a disposición da notificación sen que se acceda ao seu contido.
Poderán coñecer como funciona o sistema Notifica.gal no seguinte enderezo: https://www.xunta.gal/notifica.
O Concello de Ordes tamén realizará as notificacións por medios electrónicos cando así o soliciten os cidadáns de forma expresa.