Atletica A Silva-Ordes acada novos triunfos no Campionato de Galicia de probas combinadas.

No Campionato de Galicia de Probas Combinadas en Pista Cuberta que tivo lugar en Ourense, Alberto Vázquez Alonso ( M55) fíxose coa medalla de ouro e José Domínguez Caballero ( M45) foi prata facendo as marcas mínimas para asistir ao Campionato de España Máster.

Tras a dobre xornada da fin de semana, Daniel Loureiro Mosquera proclamouse subcampión galego de probas combinadas en pista cuberta na categoría S16, rozando a marca mínima esixida para o Campionato de España.

Na xornada do domingo 19, chegou o momento das representantes femininas do Club. As representantes da categoría S16 foron Antía Rey, Julia Parcero, Diana Mosquera e da S18 María Pena que aínda que non conseguiron subir ao podio si que estiveron a un alto nivel competitivo.