Clausura dos cursos de prevención de riscos en construción e en traballos de albanelería

Nas últimas horas clausuránronse  os cursos Prevención de riscos  laborais en construción e Prevención de riscos laborais en traballos de albanelería. Na Casa da Cultura de Ordes impartíronse ao longo das últimas semanas un total de 66 horas de formación gratuíta das que se beneficiaron 30 persoas. Esta iniciativa estivo orientada especialmente ás persoas demandantes de emprego da comarca ordense. Ademais do propio Concello de Ordes, como entidades organizadoras tamén figuran a Fundación Laboral de la Construcción e o Organismo Paritario para la Prevención en la Construcción.