Entrega de diplomas do curso de cooperativismo no IES Maruxa Mallo

A Mancomunidade de Ordes entregou recentemente ao alumnado de cuarto curso da ESO do IES Maruxa Mallo os diplomas do curso en liña sobre cooperativismo organizado polo Departamento de Emprego do ente supramunicipal. Susana García, concelleira en  funcións de Educación de Ordes, foi a encargada de entregar os diplomas, momento que aproveitou para preguntar pola valoración do alumnado en base a este curso, así como pola visita que no seu día realizaron á cooperativa Amarelas, situada en Silleda. Esta iniciativa formativa contou co financiamento da Secretaría Xeral de Emprego da Xunta de Galicia.