Xornada lúdica do Proxecto Aloumiños en Ordes

Esta mañá un cento de persoas desfrutaron dunha xornada lúdica na Casa da Cultura de Ordes co Proxecto Aloumiños. Unha iniciativa desenvolvida dende o Colexio de Educadoras e Educadores Sociais de Galicia (CEESG) que ten como obxectivo principal combater a soidade non desexada entre as persoas maiores. Nesta ocasión non só acudiron á cita veciños e veciñas de Ordes, senón tamén doutros municipios da comarca así como de Carral ou Abegondo. Tras un monólogo, onde as risas se deron a mans cheas, ofreceuse unha merenda na que non faltou empanada, bocadillos e petiscos entre outros. 

O Proxecto Aloumiños conta con 127.000 euros de financiamento por parte da Consellería de Sanidade.