Raquel Queizás nas Tardes de Contos e Lendas

O próximo venres ofrecerá Raposadas, unha sesión de contos pensada para os nenos e nenas de 3 a 6 anos

Nova data para as Tardes de Contos e Lendas na Biblioteca Municipal de Ordes. Será o vindeiro venres, 28 de novembro, ás 18 horas, cando Raquel Queizás ofreza Raposadas, unha sesión de contos especialmente pensada para nenos e nenas de 3 a 6 anos. 

A capacidade está limitada a 30 persoas, polo que se aconsella a quen estea interesado en acudir que se inscriba o antes posible. Pode facelo presencialmente na biblioteca ou ben chamando ao teléfono 981 681 992. 

Para poder levar a cabo esta actividade o Concello de Ordes conta coa colaboración da Deputación da Coruña.