Curso de primeiros auxilios no Mesón do Vento

Primeiros auxilios, concretamente a reanimación cardiopulmonar e a manobra de Heimlich para solucionar atragoamentos. Estes foron os contidos impartidos ao longo desta mañá ás 15 persoas que asisten no Mesón do Vento ao Curso de Atención Sociosanitaria a Persoas Dependentes en Institucións Sociais, o cal está organizado polo Concello de Ordes e subvencionado pola Consellería de Economía, Emprego e Industria e o Ministerio de Traballo, Migracións e Seguridade Social. Unha sesión á que tamén se lles uniron os usuarios e usuarias do Curso de Habilidades Sociais do Mesón do Vento.