Programa de Nadal do Concello de Ordes

Papá Noel, os Reis Magos, a Patrulla canina, clown, contacontos, xogos, concertos musicais, maxia ou monicreques son algunhas das propostas que se inclúen, ademais da pista de xeo ou o do I Campus de Nadal Jogafán F. S.

O Concello de Ordes xa ten preparado o seu programa de Nadal, o cal inclúe os seguintes actos e espectáculos:

Papá Noel. Venres e sábado, 22 e 23 de decembro. Pasacalles polas rúas do pobo de 11 a 13 e de 17 a 19 horas. (Organizado por ACORDES)
Teatro interactivo. Martes, 26 de decembro, Espectáculo teatral interactivo de clown. Auditorio da Casa da Cultura ás 18 horas.
O Recuncho dos xogos. Mércores, 27 de decembro. Tarde de xogos tradicionais en familia. No local cultural da rúa Reconciliación dende as 17.30 ás 19 horas.
Feira de artesanía. Do 27 ao 31 de decembro na alameda.
Gran festa de Reis. Xoves, 28 de decembro. Os máis cativos e cativas divertiranse con inchables, obradoiros, música, bailes etc, ademais de contar con chocolate e rosca para merendar. Pavillón Castelao I ás 16.30 horas.
Conto musicado. A gata con zocas. Banda de Música de Ordes. Venres, 29 de decembro. Banda de Música de Ordes. Auditorio da Casa da Cultura ás 20.30 horas.
Monicreques. Sabela e o paxaro máxico. Martes, 2 de xaneiro. Auditorio da Casa da Cultura a partir das 18 horas.
Grande espectáculo do Mago Xacobe. Mércores, 3 de xaneiro. Auditorio da Casa da Cultura a partir das 18 horas.
A patrulla canina. Xoves, 4 de xaneiro. Paseo polas rúas do pobo de 17 a 20 horas. (Organizado por ACORDES)
Cabalgata de Reis. Venres, 5 de xaneiro. Percorrido polas principais rúas do pobo ata a alameda. Repartiranse caramelos aptos para persoas celíacas e diabéticas. A partir das 17 horas.
Carrusel. Ata o 7 de xaneiro na alameda.

Para a posta en marcha de todos estes eventos o Concello de Ordes conta coa colaboración da Asociación de Comerciantes de Ordes (ACORDES) e a Deputación da Coruña.

Ademais deste programa hai que sinalar tamén a posibilidade de patinar sobre xeo na pista que estará instalada ata o 7 de xaneiro na alameda de Ordes. Ata o 21 de decembro o horario de apertura será de luns a venres de 17 a 22 horas, mentres que os sábados, domingos e vésperas de festivos será de 11 a 14 e de 17 a 22 horas. A partir do día 22 de decembro abrirá de luns a venres de 11 a 14 e de 17 a 22 horas, mentres que as fins de semana e véspera de festivos será de 11 a 14 e de 17 a 22 horas. Ademais, cómpre ter en conta os horarios especiais establecidos para días concretos. Así o 24 e o 31 de decembro irá de 11 a 19 horas, o 25 de decembro de 12 a 14 e de 17 a 22 horas, o 1 de xaneiro de 17 a 22 horas, o 5 de xaneiro de 11 a 14 horas, mentres que o 6 de xaneiro abrirá ás 17 horas e pechará ás 22 horas.

Os prezos por hora variarán dende os 6 € para persoas adultas ata os 4 € para os colexios. Este ano tamén se establecerán tarifas familiares que inclúen dúas persoas adultas (6 € por cada unha) e menores de 13 anos (5 euros).

Campus fútbol sala
O deporte tamén ten cabida nestas datas tan sinaladas. Neste eido cómpre destacar o I Campus de Nadal para nenos e nenas de 5 a 12 anos, organizado polo Jogafán Ordes Fútbol Sala en colaboración co Concello de Ordes. Disputarase os días 26, 27, 28 e 29 de decembro e os 2, 3, 4 e 5 de xaneiro de 9.30 a 13.30 horas no pavillón Castelao II. As inscricións xa se poden realizar nas oficinas do club situadas no pavillón Castelao II, os luns de 19.30 a 20.30 horas e os mércores de 16 a 17 horas. Para consultas pódese chamar ao 609932493.