O Veteráns Ordenes C.F., gañador do II Trofeo San Roque

Esta fin de semana o campo de fútbol de Vista Alegre foi escenario do II Trofeo San Roque e o II Trofeo Concello de Ordes. 
     No primeiro caso os partidos disputáronse o sábado, 12 de agosto. Aquí os Veteráns Ordenes recolleron de mans de Ana Soneira, concelleira de Deportes, a copa do triunfo. O segundo posto foi para o Mesón do Vento C.F. Veteráns, mentres que o Poulo C.F. Veteráns e a S.D.C órdenes Veteráns acadaron a terceira e cuarta posición. Neste último caso o resultado discerniuse tras unha emocionante tanda de penaltis que o Poulo superou por 4 a 3.
    O II Trofeo Concello de Ordes tivo lugar o domingo, 13 de agosto. Os resultados dos encontros foron S.D. Santa Cruz de Montaos 2 - A.D. Vila de Ordes 0. S.D.C. Órdenes 0 - S.D. Santa Cruz de Montaos 1 e S.D.C. Órdenes 2 - A.D. Vila de Ordes 0. Nesta ocasión tanto a edil de Deportes como o alcalde de Ordes, José Luis Martínez Sanjurjo, foron os encargados de entregar os trofeos