Abre a pista de xeo de Ordes
Esta tarde abreu ao público a pista de xeo en Ordes. Moitos dos integrantes do Club Galia de Patinaxe tiveron o privilexio de estrear a que, sen dúbida será unha das principais atraccións para este Nadal. Entre os que non se quixeron perder este divertido momento estiveron o alcalde de Ordes, José Luis Martínez Sanjurjo, acompañado de varios dos seus membros do equipo de goberno. A pista de xeo de Ordes permanecerá aberta ao público ata o vindeiro 8 de xaneiro.