Novo circuíto cultural do Concello de Ordes

Ofreceranse clases de cociña, informática, costura e alemán. O prazo de inscrición irá dende o 15 ata o 24 de xaneiro 

Do 15 ao 24 de xaneiro o Departamento de Cultura do Concello de Ordes manterá aberto o prazo de inscrición para participar nas actividades do seu circuíto cultural. De febreiro a maio impartiranse clases de cociña, informática, costura e alemán. Para formalizar a inscrición será precisa, ademais da solicitude debidamente cuberta, unha fotocopia do DNI. As listaxes definitivas daranse a coñecer o 2 de febreiro no mesmo Concello. Para máis información pódese chamar ao 981680002 extensión 4.