DEPORCAMPUS

WEB DÉPORCAMPUS

O Déporcampus chega ao concello de Ordes este verán. Concretamente desenvolverase do 24 ao 28 de xullo, de 10 a 14 horas, no campo de Vista Alegre, e está  dirixido a nenos e nenas de 6 a 14 anos. 

A mecánica desta iniciativa baséase na aplicación do chamado método Dépor. Entre os obxectivos que se perseguen están a ensinanza de habilidades e conceptos en relación cos compañeiros, opoñentes e co xogo dos porteiros; fomentar a adquisición de hábitos alimenticios saudables e a transmisión de valores representativos do club como son o respecto, solidariedade, amizade, xogo limpo, integración, esforzo e felicidade. Todo iso impartido por profesionais pertencentes ao club herculino e apoiados por técnicos do Ordes.
     As inscricións xa se poden realizar ata o 20 de xullo a través deste ENLACE. O prezo é de 120 euros. Os xogadores da S.D.C Ordes, familias numerosas e en situación de exclusión social e a partir do segundo fillo gozarán dun desconto especial de 20 euros. Cada xogador recibirá o debido equipamento, merenda diaria, entradas para encontros do torneo Teresa Herrera, material deportivo, ademais de entrar en distintos sorteos etc.